ಸೃಷ್ಟಿಕರ್ತ ಬ್ರಹ್ಮನಿಗೆ ಸರಸ್ವತಿ,
ಶ್ರೀಮನ್ನಾರಾಯಣನಿಗೆ ಶ್ರೀ ಮಹಾಲಕ್ಷ್ಮಿ
ಶ್ರೀ ಶಂಕರನಿಗೆ ಪಾರ್ವತಿ - ಶಿರದಲ್ಲಿ ಗಂಗೆ !
ಶ್ರೀ ರಾಮನಿಗೆ ಸೀತಾ ಮಾತೆ,
ಶ್ರೀ ಕೃಷ್ಣನಿಗೆ ರುಕ್ಮಿಣಿ, ಸತ್ಯಭಾಮೆ,
ಜಾಂಬವತಿ ಅಲ್ಲದೆ ನೂರಾರು ಗೋಪಿಕ ಸ್ತ್ರೀಯರು!!
ಗಣೇಶನಿಗೆ ಸಿದ್ಧಿ-ಬುದ್ಧಿ
ಸುಬ್ರಮಣ್ಯನಿಗೆ ವಳ್ಳಿ ದೇವಿ
ಶ್ರೀವೆಂಕಟೇಶ್ವರ ನಿಗೆ ಪದ್ಮಾವತಿ !
ನಳನಿಗೆ ದಮಯಂತಿ
ಸತ್ಯವಾನನಿಗೆ ಸಾವಿತ್ರಿ
ರೋಮಿಯೋಗೆ  ಜೂಲಿಎಟ್
ಶಹಜಹಾನ ನಿಗೆ ಮುಮ್ತಾಜ್
ಹೀಗೆ ನಮಗೆ ಥಟ್ಟನೆ ನೆನಪಾಗುವ ಜೋಡಿಗಳು ಇತಿಹಾಸದಲ್ಲಿ ಅಜರಾಮರ
ಆದರೆ ಇಂದಿನ ಕಾಲದ ಜೋಡಿಗಳ ಹೆಸರೇಕೆ ಹೀಗೆ ಅಮರವಾಗಿರೋಲ್ಲ !!!!

ಸುಂದರ ಕನಸು !
ನಮ್ಮ ಪುಟ್ಟ ಸಂಸಾರದಲ್ಲಿ ಪ್ರೀತಿಯ, ಆನಂದದ  ಹೊಳೆ ಯಾವಾಗಲೂ  ಹರಿಯುತ್ತಿರ ಬೇಕು !
ನಮ್ಮ ಮನೆಯ ಮುಂದೆ ಬಣ್ಣ ಬಣ್ಣದ ಹೂವ ರಾಶಿ ಕಣ್ಮನ ಸೆಳೆದು ಕಂಗೊಲಿಸುತ್ತಿರಬೇಕು  !
ನಮ್ಮ ಪುಟ್ಟ ಮನೆಯ ಮುಂದೆ ಹಸಿರು ಸೀರೆ ಉಟ್ಟ 'ವನ ದೇವತೆ' ಸುಳಿದಾಡುತ್ತಿರಬೇಕು  !
ಆ ಹಸಿರ ಹುಲ್ಲು ರಾಶಿಯ ನಡುವೆ ನನ್ನ ಮುದ್ದು ಮರಿ ಮೊಲ ಛಂಗನೆ ನೆಗೆದು  ಕುಣಿದಾಡುತ್ತಿರಬೇಕು !
ಈ ಎಲ್ಲ ನನ್ನಾಸೆಗಳು ನನಸಾಗಿ ಹೋದರೆ ಆಹಾ ಬದುಕೆಷ್ಟು ಸುಂದರ !

ಮುಂಬಾಗಿಲಿಗೆ 'ರಂಗವಲ್ಲಿ' ಹೇಗೆ ಶೋಭೆಯೋ
ಮುಂಬಾಗಿಲಿಗೆ 'ಹಸಿರು ತೋರಣ' ಹೇಗೆ ಶೋಭೆಯೋ
ಹಾಗೆ ಆಕಾಶಕ್ಕೆ ಸೂರ್ಯ - ಚಂದ್ರರು ಶೋಭೆ
ಹಣೆಗೆ ಕುಂಕುಮ ಶೋಭೆ ; ಹೆಣ್ಣಿಗೆ ಮುತ್ತೈದೆ ತನ ಶೋಭೆ
ಹರೆಯದ ಹುಡುಗಿಗೆ ನಾಚಿಕೆ ಶೋಭೆ
ಮಗುವಿನ ಮೊಗದಲ್ಲಿ ಮುಗ್ದ ನಗು ಶೋಭೆ
ದೇವಸ್ಥಾನದಲ್ಲಿ ಘಂಟಾ ನಾದ ಶೋಭೆ
ತುಂಬಿದ ಮನೆಯಲ್ಲಿ ಹಿರಿಯರ ಆಶೀರ್ವಾದ ಶೋಭೆ