'ಗೋಮಾತೆ'

ಹೇ 'ಗೋಮಾತೆ' ನೀನಷ್ಟು ಒಳ್ಳೆಯವಳು ;
ನೀ ನೀಡುವ ಹಾಲು ಮಕ್ಕಳಿಂದ ವೃದ್ಧರಾದಿಯಾಗಿ ;
ರೋಗಿಗಳಿಗೆ, ಬೆಕ್ಕಿನ ಮರಿಗಳಿಗೆ, ನಾಯಿ ಮರಿಗಳಿಗೆ
ಹೀಗೆ ಪ್ರತಿಯೊಬ್ಬರಿಗೂ ಮುಖ್ಯ ಆಹಾರ
'ಗೃಹ ಪ್ರವೇಶ' ದ ದಿನವಂತೂ ನಿನಗೆ ಪ್ರಥಮ ಸ್ಥಾನ
ನಿನ್ನ ಪೂಜೆಯ ನಂತರವೇ ನಮ್ಮ 'ಗೃಹ ಪ್ರವೇಶ'
ಪ್ರತಿ ಶುಕ್ರವಾರ ಹಾಗೂ ಮಂಗಳವಾರ 'ಗೋ ಪೂಜೆ' ಮಾಡಿದರೆ
ಮುಕ್ಕೋಟಿ ದೇವರ ಪೂಜೆ ಮಾಡಿದಷ್ಟೇ ಪುಣ್ಯ ಎನ್ನುತಿದ್ದಳು ನನ್ನಮ್ಮ
ಅದನ್ನೇ ಪಾಲಿಸುತ್ತಿದ್ದೇನೆ ನಾನು; ನೀ ನಮ್ಮ ಮನೆ ಬಾಗಿಲಿಗೆ ಬಂದು
ಪ್ರತಿ ಶುಕ್ರವಾರ ನನ್ನ ಆತಿಥ್ಯವನ್ನು ಸ್ವೀಕರಿಸಿ ನಮ್ಮನ್ನು ಅಶಿರ್ವರ್ಧಿಸಿ
ನನ್ನ ಪೂಜೆಗೆ ಭಂಗ ತಾರದೆ ಪಾದಗಳಿಗೆ ಅರಿಶಿನ-ಕುಂಕುಮ ಹಚ್ಚುವಾಗ
ನಿನ್ನ ಸುಂದರವಾದ ಕೊಂಬುಗಳಿಗೆ ಹೂ ಇಡುವಾಗ ತಾಳ್ಮೆ ಇಂದ ಇದ್ದು ,
ಸಹಕರಿಸಿದ್ದಕ್ಕೆ ಇದೋ ನಿನಗೆ ಕೋಟಿ ಕೋಟಿ ಪ್ರಣಾಮಗಳು